Byltyr qaı óńirde týý kórsetkishi joǵary boldy

NUR-SULTAN. QazAqparat – 2020 jyly Qazaqstanda jarty mıllıonǵa jýyq bala dúnıege keldi, dep habarlaıdy QazAqparat QR Strategııalyq josparlaý jáne reformalar agenttigi Ulttyq statıstıka bıýrosyna silteme jasap.

Aldyn ala derekter boıynsha, 2020 jylǵy qańtar-jeltoqsanda elimizde 425,6 myń náreste týdy. Bul, 2019 jyldyń tıisti kezeńimen salystyrǵanda 22,6 myń adamǵa nemese 5,6% kóp jáne týǵandar sany boıynsha osynyń aldynda - 1987 jyly bolǵan rekordtan (417,1 myń adam) 8,5 myń adamǵa nemese 2% artyq.

Qalalyq jerlerde – 248,7 myń adam (58,4%), aýyldyq jerlerde 176,9 myń adam (41,6%) dúnıege keldi.

Barlyq týǵandardyń jartysynan kóbi eldiń 6 óńirinde tirkelgen:

Túrkistan oblysy (14,4%),

Almaty oblysy (12,7%),

Almaty qalasy (8,3%),

Shymkent qalasy (7,4%),

Nur-Sultan qalasy (7%),

Jambyl oblysy (6,9%).