Byltyr Qapshaǵaıǵa 400 myńǵa jýyq týrıst kelgen
TALDYQORǴAN. QazAqparat - Qapshaǵaı qalasynda týrızm salasy damyp keledi. Byltyr kólge kelgen demalýshylardyń sany 400 myńǵa jýyqtaǵan. Olarǵa kórsetilgen qyzmet nátıjesinde bıýdjetke 440 mln. teńge kóleminde salyq túsken, dep habarlaıdy QazAqparat tilshisi.
Búginde jasandy kól jaǵalaýynda 146 týrıstik demalys orny qyzmet kórsetedi. 2017 jyly 5 jańa nysan iske qosylǵan. Tartylǵan ınvestıtsııa kólemi 542 mln teńgege jetip, 100 adam jumyspen qamtylǵan.
Qapshaǵaı qalasynda týrızm salasy negizgi baǵyttyń biri bolǵandyqtan, ony damytýǵa basa nazar aýdarylýda. Týrısterdi kóptep tartý úshin byltyr jaǵajaıdyń 15 gektar jerin abattandyrý jumystary bastalǵan bolatyn. Demalys aımaǵynda 13 qyzmet kórsetý orny ashylyp, 65 adam jumysqa ornalasqan.
Sondaı-aq jaǵajaıdaǵy fýtbol jáne voleıbol ortalyǵynyń qurylysy júrip jatyr. Joba quny 64 mln. teńge. Al bıyl demalýshylardyń sanyn 700 myńǵa jetkizý josparlanýda. Bul jóninde Qapshaǵaı qalasynyń ákimi Talǵat Qaınarbekov málim etti.
Aıta ketý kerek, búgin Qapshaǵaıda Almaty oblysynyń ákimi Amandyq Batalovtyń tóraǵalyǵymen óńir basshysynyń kóshpeli otyrysy ótti. Jıynda qala ákimi T.Qaınarbekov 2017 jyly atqarylǵan jumystardy qorytyndylap, aldynda josparlarymen bólisti.
