Byltyr qandaı taýarlardyń baǵasy qymbattady
Ótken jyly baǵa azyq-túlik taýarlaryna - 5,1%, azyq-túlik emes taýarlaryna - 6,4%, aqyly qyzmetterge 4,5% qymbattaǵan.
2019 jyldyń basynan (2018 jyldyń jeltoqsany 2017 jyldyń jeltoqsanyna qaraǵanda) baǵanyń ósýi qyryqqabatqa - 31%, qantqa - 20,9%, máıekti irimshikke - 11,9%, qus etine - 10,4%, konservilengen sútke - 10,3%, sary maıǵa - 10,1%, jylqy etine - 9,6%, jańa saýylǵan sútke - 7,8%, kúnbaǵys maıyna - 7,4%, shujyq ónimderine - 7,2%, qyshqyl sút ónimderine - 7%, et ónimderine - 6,9%-ǵa, shoshqa etine, sıyr etine - 6,7%-dan, kondıterlik ónimderge 6,6% belgilendi.
Baǵanyń tómendeýi kartopqa - 26,7%, qaraqumyq jarmasyna - 21,6%, pııazǵa - 18,4%, sábizge 16,3% tirkeldi.
Sondaı-aq Qazaqstanda avtokólikter (8,5%), qurylys materıaldary (8,1%), farmatsevtıkalyq ónimder, kıim jáne aıaq kıim, turmystyq quraldar (7,8%), toqyma buıymdary (7,7%), jeke qoldanysqa arnalǵan taýarlar (6,8%) jýǵysh jáne tazalaǵysh zattar (6,6%), keńse taýarlary (5,9%), jıhaz jáne úıge qajetti zattarǵ (5,4%) qymbattaǵan.
«Budan bólek, dızel otynynyń baǵasy 29,6%, ballondaǵy suıytylǵan gaz 6% kóterildi. Al benzın kerisinshe, 2,8% arzandaǵan.
«Baǵa deńgeıi kabeldik televızııa qyzmetterine - 12,1%, densaýlyq saqtaý qyzmetterine - 7,1%, shashtarazdar men jeke qyzmet kórsetý oryndary qyzmetterine - 6,1%, quqyqtyq, jeke kólik quraldaryn saqtandyrý qyzmetterine - 6%-dan, qoǵamdyq tamaqtandyrý qyzmetterine - 5,8%, mektepke deıingi balalar mekemesiniń qyzmetterine 5,7% ósti. Jolaýshylardyń áýe kóligimen jol júrý aqysy - 16,4%, temir jol kóligimen - 12,2%, qalaaralyq avtobýs - 7,9%, ishki qalalyq avtobýspen 4,9% qymbattady», - delingen baspasóz habarlamasynda.
Ótken jyly sonymen qatar, turǵyn úı-kommýnaldyq qyzmetter salasynda tarıfter kárizge - 3,1%, sýyq sýǵa - 3%, taratý jelileri arqyly tasymaldanatyn gazǵa - 2,7%, ortalyqtan jylytýǵa, turǵyn úıdi kútip ustaýǵa - 2,6%-dan, ystyq sýǵa - 2,2%, elektr energııasyna 1,1% artty.
