Byltyr kámeletke tolmaǵandar arasynda jasalǵan qylmys sany 9 paıyzǵa qysqardy - ІІM
ASTANA. Sáýirdiń 26-sy. QazAqparat /Qanat Mámetqazyuly/ - Byltyrǵy jyly kámeletke tolmaǵandar arasynda jasalǵan qylmys sany 9 paıyzǵa qysqardy, al aǵymdaǵy jyly bul kórsetkishtiń 19 paıyzǵa deıin tómendeıtini boljanady. Búgin Parlament Májilisiniń kóshpeli Úkimet saǵatynda «Qazaqstan Respýblıkasyndaǵy qoǵamdyq tártip pen qaýipsizdikti saqtaýdyń jaı-kúıi týraly» taqyrypta baıandama jasaǵan QR Іshki ister mınıstri Serik Baımaǵanbetov osylaı málim etti,
dep habarlaıdy QazAqparat.
Mınstrdiń aıtýynsha, kámeletke tolmaǵandarmen jasalatyn qylmystyń teń jartysyna jýyǵy mektep pen lıtseı oqýshylary arasynda oryn alady eken. Sonymen birge, kámeletke tolmaǵandar arasyndaǵy qylmyspen kúres jáne onyń aldyn alý problemasy áli de ózekti kúıinde qalyp otyr. «Biz osy saladaǵy ahýaldy jaqsartý maqsatynda mektep ınspektorlary ınstıtýtyn engizdik jáne bundaı ınspektorlarmen Almaty, Astana qalalarynyń barlyq mektepteri qamtylyp otyr. Ókinishke qaraı, basqa oblystar ortalyǵynda bundaı ınspektorlar jetispeıdi, búgingi kúni 2 myńǵa tarta mektep ınspektorlary qajet etiledi. Árıne, ınspektorlardy uıymdastyrý men kadarlardy tańdaýda birshama problemalar barshylyq, degenmen jalpy bul ınstıtýt óziniń tıimdiligin dáleldep keledi», dedi S. Baımaǵanbetov.
