Byltyr ınnovatsııalyq ónim kólemi 66 paıyzǵa ulǵaıyp, 235 mlrd. teńgege jetti - Statıstıka
ASTANA. 8 tamyz. QazAqparat -2011 jyly ónimdilik jáne úderis ınnovatsııalar boıynsha kásiporynnyń ınnovatsııalyq belsendiligi 5,7 paıyzdy, al uıymdastyrýshylyq jáne marketıngtik ınnovatsııa esebimen - 7,1 paıyzdy qurady.
Bul týraly QR Statıstıka agenttiginiń baspasóz qyzmetinen habarlandy.
Agenttik málimetterine qaraǵanda esepti kezeńde ınnovatsııalyq tehnologııalyq ınnovatsııalarǵa kúrdeli jáne aǵymdaǵy shyǵyndar 194 990,9 mln.teńgeni quraǵan. Odan tehnologııalyq ınnovatsııalarmen baılanysty kólik jáne jabdyqtardy satyp alýǵa baǵyttalǵan shyǵyn 29,1 paıyzǵa tıesili bolsa, 24,1 paıyz - óndiristik jobalaýǵa, jańa ónimderdi shyǵarý úshin óndiristi daıyndaýdyń basqa túrleri, 15,9 paıyz - jańa qyzmetter nemese olardy óndirý ádisterin engizýge, 3,1 paıyzy óndiristik úderisterdiń jańa ónimderin ázirleýge jáne zertteýge jumsalǵan.
Ónimdik jáne úderistik ınnovatsııalary bar kásiporyndar sany 614 birlikti ( 2010 jyly 467 birlik bolatyn), uıymdastyrýshylyq jáne marketıngtik ınnovatsııa esebindegiler 762 birlikti (2010 jyly - 572 birlik) quraǵan. Olardyń eń kóp sany Almaty qalasynda (ónimdilik jáne úderistik ınnovatsııalary bar kásiporyndardyń jalpy sanynan 23,3 paıyz), Qaraǵandy (11,6 paıyz), Shyǵys Qazaqstan (11,4 paıyz), Ońtústik Qazaqstan (8,3 paıyz), Jambyl (6,7 paıyz), Aqtóbe (6,0 paıyz) jáne Qostanaı oblystarynda (5,0 paıyz) shoǵyrlanǵan. Innovatsııalyq ónimniń kólemi 66,0 paıyzǵa ulǵaıyp, 235 962,7 mln. teńgeni qurady. Budan bólek, esepti kezeńde 14 330,6 mln. teńge somasyna ınnovatsııalyq sıpattaǵy qyzmet kórsetilgen, bul ótken jyldan 62 paıyzǵa kóp.
