Byltyr ınflıatsııanyń jyldyq máni 20,3 paıyzǵa jetti - Ulttyq bank
«2022 jyldyń jeltoqsan aıynda aılyq ınflıatsııa 1,2 paıyzǵa deıin baıaýlaǵanyna qaramastan, sońǵy 5 jyldaǵy aılyq ortasha kórsetkish 0,7 paıyzdan aıtarlyqtaı asyp tústi. Jyldyq mánde ınflıatsııa 20,3 paıyzǵa jetti. Azyq-túlik baǵasynyń ósýi ınflıatsııaǵa zor úles qosyp, jyldyq kórsetkish boıynsha 25,3 paıyzǵa jedeldedi. Jemis-jıdek pen kókónis ónimderi qys maýsymyna baılanysty qymbattady», - dedi ol.
Onyń dereginshe, azyq-túlikke jatpaıtyn ınflıatsııa 19,4 paıyzǵa deıin ósti. Importtyń joǵary úlesi bar taýarlarǵa, onyń ishinde jeke paıdalanatyn taýarlarǵa, jýatyn jáne tazalaıtyn zattarǵa, qurylys materıaldaryna, dári-dármekke baǵa tez ósip otyr. Ákimshilik retteý sebebinen janar-jaǵarmaı men 2021 jylǵy joǵary baza esebinen avtokólik baǵasynyń ósý qarqyny baıaýlady. Jeltoqsan aıynda aqyly qyzmetterdiń ınflıatsııasy 14,1 paıyz deńgeıinde saqtaldy. Turǵyn úıdi jalǵa alý men kommýnaldyq qyzmetterdiń quny ósý turǵysynan baıaýlady.
«Halyqtyń ınflıatsııalyq kútýleri joǵary deńgeıdi kórsetip otyr. Byltyr jeltoqsan aıynda halyq kútken ınflıatsııanyń medıanalyq baǵasy 21,3 paıyzǵa deıin ósti. Geosaıası jaǵdaıdyń belgisizdigine, azyq-túlik boıynsha baǵanyń joǵary saqtalýyna, ınflıatsııaǵa qatysty halyq kútýleriniń joǵary bolýyna baılanysty 2022 jylǵy 5 jeltoqsanda Ulttyq bank bazalyq mólsherlemeni 16,75 paıyzǵa deıin kóterdi. 2022 jyly qabyldanǵan aqsha-kredıt saıasaty sharalary ınflıatsııany tómendetýge jáne ony orta merzimdi perspektıvada odan ári turaqtandyrýǵa yqpal etetin bolady», - dedi Ǵalymjan Pirmatov.
Ashyq kózderden alynǵan foto