Byltyr etti baǵyttaǵy asyl tuqymdy iriqara mal basynyń ósimi 55,3 myńdy qurady - QR AShM

ASTANA. QazAqparat - Asyl tuqymdy mal basyn arttyrý jobasyn iske asyrý bastalǵaly beri elge 40,4 myń bastan astam mal ımporttaldy. Bul týraly búgin Úkimet otyrysynda Aýyl sharýashylyǵy mınıstri Asyljan Mamytbekov málim etti.

Mınıstrdiń aıtýynsha, joba bastalǵan kezde asyl tuqymdy mal basynyń sany tómen boldy jáne iriqara maly jalpy sanynyń 5,6 paıyzyn qurady. Qazir bul kórsetkish 9 paıyzdan asyp otyr.

«2013 jyly etti baǵyttaǵy asyl tuqymdy iriqara malynyń ósimi 55,3 myń basty nemese 2012 jylǵy kórsetkishke qaraǵanda 25 paıyzdy qurady. Bul rette, ótken jyly negizgi ósim asyl tuqymdy maldy ımporttaý (20,8 myń bas) esebinen emes, ishki maldyń ósimin molaıtý (34,5 myń bas) esebinen oryn aldy», - dedi A. Mamytbekov.

Belgili bolǵandaı, asyl tuqymdy mal basyn arttyrý jobasyn iske asyrý bastalǵaly beri elge 40,4 myń bastan astam mal ımporttaldy. «Ákelingen mal qolda bar asyl tuqymdy mal basyn sapaly jaqsartýǵa múmkindik berdi», - dedi mınıstr.