Byltyr energetıkalyq apat bolǵan Ekibastuz jylytý maýsymyna qanshalyqty daıyn
Óńir basshysy Asaıyn Baıhanov Ekibastuzdaǵy aldaǵy jylý berý maýsymyna daıyndyq jumysynyń barysyn tekserdi.
Qyrkúıek aıynyń sońyna deıin úsh energetıkalyq jáne úsh sý jylytý qazandyǵy daıyn bolady.
Qalǵan 4 qazandyqty jóndeýdi qazan aıynyń sońyna deıin aıaqtaý josparlanǵan.
JEO jabdyqtaryn jańartýmen qatar, jylý magıstraldaryn rekonstrýktsııalaý jumysy da merziminde júrip jatyr.
Jumysty 22 qyrkúıekke deıin tolyq aıaqtaý josparlanǵan.
Oblys ákimi turǵyn úılerdiń jylý qabyldaýǵa daıyndyǵyn tekserdi.
Kópqabatty 690 turǵyn úıdiń 665-inde jylý júıelerin jýý, syǵymdaý jáne t.b. daıyndyq sharalary oryndalǵan.
Qalǵan úıler boıynsha jumys aǵymdaǵy aptanyń sońyna deıin aıaqtalýy kerek.
- Aldaǵy jylytý maýsymyna daıyndyq máselesi oblystyń aýdan-qala ákimderiniń jumysynda basymdyqqa ıe bolýy tıis jáne ol meniń qatań baqylaýymda bolady, - dep atap ótti Asaıyn Baıhanov.
Sondaı-aq, oblys ákimi eki kóppáterli úıdiń turǵyndarymen kezdesti.
Sonymen qatar, aımaq basshysy birinde shatyry men akt zalyna kúrdeli jóndeýdi, al, ekinshisinde tereze men esikterin aýystyrýdy jáne sport alańyn ornatýdy qajet etetin № 10 jáne 23 mektepterde boldy.
Barlyq joba boıynsha tıisti qujattama daıyndalyp jatyr.
Asaıyn Baıhanov bilim basqarmasyna osy jobalardy baqylaýǵa alyp, olardy kelesi jyly iske asyrýdy tapsyrdy.
