Byltyr elordalyq qonaqúıler 1 mln-ǵa jýyq týrısti qabyldady
«Nur-Sultan qalasynda halyqaralyq talaptarǵa saı qyzmet kórsetetin, qonaq úıler barshylyq. Solardyń ishinde elordanyń 208 qonaq úıin aıqyndadyq, olar 2019 jyly 853 823 týrısti qabyldaǵan. Bul 2018 jylmen salystyrǵanda 14 paıyzǵa joǵary. Olardyń 70 paıyzy otandyq týrıster, qalǵany sheteldikter. Negizinen qala qonaq úıleriniń jylyna 2-3 mln-ǵa deıin týrıst qabyldaýǵa múmkindigi bar. Qonaqúılerden bólek, elordada 86 hostel bar. Olardyń qyzmet kórsetý deńgeıi eýropalyq standarttardan kem túspeıdi. Jáne baǵasy da kóńilge qonymdy. Mysaly, astanadan bir kúndik baǵasy 2-3 myń teńge turatyn hostel bólmelerin tabýǵa bolady. Bul elorda úshin tıimdi baǵa», - dedi Nur-Sultan qalasy «Atameken» ulttyq kásipkerler palatasy dırektorynyń kommertsııalyq suraqtar jónindegi orynbasary Beısen Jolboldıev.
Onyń aıtýynsha, Nur-Sultanǵa kelgen týrıster ortasha eseppen 3-4 kúnge toqtaıdy.
«Búgingi kúni elimiz boıynsha 15 týrıstik marshrýtty jasap shyǵardyq. Bul týrıster úshin yńǵaıly paket bolyp tabylady. 15 baǵyttyń ishinde elordada bar. Ózderińiz biletindeı Nur-Sultan qalasy sheteldikterdi óziniń erekshe sáýletimen tartady. Bizdiń maqsat – Qazaqstanǵa kelgen týrısterdiń múmkindiginshe kóbirek qalýyna jaǵdaı jasaý. Mysaly, elordaǵa kelgen týrısterdi jaqyn mańdaǵy Býrabaıǵa aparý arqyly týrıstik áleýetimizdi kórsetý. Ol úshin bizdegi týrıstik ınfraqurylymnyń jumysyn jandandyrý mindetteri tur», - deıdi ol.
Buǵan deıin B. Jolboldıev bas qalada gıd, ekskýrsııa mamandary men aýdarmashylardyń tapshy ekenin aıtqan bolatyn.
