Byltyr elordalyq bıznes sýbektileri elektr energııasyna 90 mln teńge tólegen
NUR-SULTAN. QazAqparat – Kommertsııalyq maqsatta paıdalanylatyn ǵımarattardyń basshylary energııa únemdeýge múmkindik beretin tehnologııalardy engizýge nıetti emes. Bul týraly atalǵan saladaǵy máseleler talqylanǵan jıynda «Qaz Property» basqarýshy jáne servıstik kompanııalar qaýymdastyǵynyń múshesi Aleksandr Derevıanko málimdedi, dep habarlaıdy QazAqparat tilshisi.
«Energııa tutyný kólemi artyp barady. Tıisinshe, jetispeýshilik baıqalyp otyr. «Jasyl energııa» kózderin engizýge kedergi bolyp turǵan máseleler bar. Onyń bastysy – memleket jáne kvazımemlekettik ınstıtýttar tarapynan yntalandyrýdyń bolmaýy. Sonymen qatar kommertsııalyq ǵımarattardyń basshylary energııa únemdeýge múmkindik beretin tehnologııalardy engizýge nıetti emes. Máselen, Nur-Sultan qalasynda shamamen 1,7 mln sharshy metr aýmaqty alyp jatqan ofıstik oryndar bar. Olardyń barlyǵy jylyna 384 548 megavatt elekt energııasyn paıdalanady. Al respýblıka boıynsha energııa jetispeýshiligi saǵatyna 1.3 gıgavatty quraıdy», - dedi Aleksandr Derevıanko.
Sarapshylar dereginshe, ofısterdegi elektr energııasy kóbine jylytý, jeldetý men salqyndatýǵa arnalǵan tehnologııalarǵa jumsalatynyn aıtty. 2020 jyly elordada bıznes sýbektileri elektr energııasyna 67 mln teńge tólegen. Mamandar keltirgen aqapart boıynsha byltyr kásipkerler 90 mln teńgege elektr energııasyn tutynypty. Sarapshylar bul tarıfterdiń ósýine baılanysty ekenin túsindirdi.
Aıta keteıik, buǵan deıin Qostanaı oblysynda elektr energııasynyń baǵasy 8 paıyzǵa ósetinin habarlap edik.
