Byltyr elimizge ımporttalǵan Brazılııa qanty 2,7 esege artqan

ASTANA. QazAqparat - 2013 jyly Qazaqstan Brazılııadan 365,2 myń tonna quraq nemese qyzylsha qantyn jáne qatty túrdegi hımııalyq turǵydan taza krıstaldy qantty 169,8 mln. dollarǵa ımporttady. Atalǵan kórsetkish 2012 jylǵa qaraǵanda 2,7 esege, al somasy jaǵynan 2,2 esege artyq. Bul týraly QR Qarjy mınıstrligi Kedendik baqylaý komıtetiniń taratqan málimetinde qamtylyp otyr.

Keden komıtetiniń deregine qaraǵanda, byltyrǵy jyly jalpy Keden odaǵy málimetterin esepke almaǵanda, Qazaqstan 216,1 mln. dollardy quraıtyn 431,2 myń tonna qant ımporttalǵan. Bul kórsetkish 2012 jylmen salystyrǵanda mólsheri jaǵynan 45,6 paıyzǵa, baǵasy jaǵynan 14,3 paıyzǵa artyq.

Toqtala ketetin jaıt, Qazaqstanǵa qant jetkizýshilerdiń ishinde eń iri memleketter Ýkraına - 23,7 myń tonna, Ázerbaıjan - 21,6 myń tonna jáne Polsha - 16,5 myń tonna bolyp otyr.