Byltyr elimizge ımporttalatyn taýarlar baǵasy birshama ózgeriske ushyrady
ASTANA. QazAqparat - 2015 jylǵy qańtar-qarasha arasynda 2014 jylǵy osy kezeńmen salystyrǵanda Qazaqstan Respýblıkasyna eksporttalatyn taýarlarǵa baǵa 22,7 paıyzǵa, ımporttalatyn taýarollarǵa 9,5 paıyzǵa tómendedi. Bul týraly QR Ulttyq ekonomıka mınıstrliginiń Statıstıka komıtetinen habarlandy.
«Jyl basynan bergi kezeńde eksporttyq jetkizilimderdiń baǵasy gaz kondensatyna - 38,2 paıyzǵa, munaıǵa - 36,9 paıyz, tústi jáne qara metall kenderine - 32,1 paıyz, kómirge - 31,4 paıyz, qara metaldar ılegine - 29,4 paıyz, tabıǵı gazǵa - 27,7 paıyz, myryshqa - 18,4 paıyz, mysqa - 15,4 paıyz, qorǵasynǵa - 13,7 paıyz, ferroqorytpalarǵa - 13,3 paıyzǵa tómendegen. Kerisinshe, alıýmınııge 5,9 paıyzǵa joǵarylady. Budan bólek, baǵanyń maqtaǵa - 15,3 paıyzǵa, astyqqa - 14,9 paıyzǵa tómendeýi, olardyń júnge - 33,4 paıyzǵa joǵarylaýy tirkeldi», - delingen baspasóz baıanynda.
Sonymen qatar, ımporttyq ónimderden kókónister - 12,4 paıyzǵa, mashınar men jabdyqtar 4 paıyzǵa arzandap, temeki - 35,1 paıyzǵa, sharap - 7,8 paıyz, boıaýlar men syrlar - 7,1 paıyz, ósimdik maıy - 5 paıyz, balyq - 3,8 paıyz, jemister men jańǵaqtar - 2,5 paıyzǵa qymbattaǵan.
