Byltyr elimizge 93800 qyrǵyz azamaty kelgen - Іshki ister mınıstri
ASTANA. 27 maýsym. QazAqparat - Byltyr elimizge 93800 qyrǵyz azamaty kelgen. Búgin QR Parlamenti Májilisiniń jalpy otyrysynda Іshki ister mınıstri Qalmuhanbet Qasymov osylaı málim etti.
Mınıstrdiń aıtýynsha, aǵymdaǵy jyldyń ótken 5 aıynyń ishinde Qazaqstanǵa kelgen qyrǵyz azamattarynyń sany 38900 adam kelgen. Al Qazaqstannan Qyrǵyzstanǵa barǵan azamattardyń sany byltyr 2858 adamdy qurasa, bıylǵy 5 aıdyń ishinde olar 1346-ǵa jetti.
«Byltyr bizdiń elimizdiń aýmaǵynda ákimshilik jaýapkershilikk tartylǵan qyrǵyz azamattarynyń sany 12900 bolsa, bıyldyń ózinde 2800 adamdy qurady. Qazaqstannyń 72 azamaty byltyr Qyrǵyzstanda ákimshilik jaýapkershilikke tartyldy. Sondaı-aq, byltyr zańamany buzǵany úshin Qazaqstannan 833 qyrǵyz azamattary shyǵaryldy. Sondaı-aq, byltyrǵy jyly Qazaqstanda qyrǵyz azamattary jasaǵan qylmystar sany 216-ny qurasa, bıyl osyndaı 45 qylmys oryn aldy»,-dedi Q. Qasymov.
