Byltyr elimizdiń ormandarynda kólemi 12,4 myń tekshe metrge jýyq aǵash zańsyz kesilgen
ASTANA. Aqpannyń 18-i. QazAqparat /Qanat Mámetqazyuly/ - Byltyr elimizdiń ormandarynan 12,4 myń tekshe metrge jýyq zańsyz aǵash kesýler oryn aldy. úgin Aýyl sharýashylyǵy mınıstrliginde ótken ormandy qorǵaý jáne zańsyz ań aýlaýǵa qarsy kúres sharalarynyń qorytyndysy jónindegi baspasóz máslıhatynda Orman jáne ań sharýashylyǵy komıtetiniń tóraǵasy Erlan Nysanbaev osylaı málim etti,
dep habarlaıdy QazAqparat.
«Búgingi tańda adamdardyń belsendi áreket etýi, tehnogendik júktemeniń artýy saldarynan elimizdegi ormandardy saqtap qalý sharasy óte ózekti deńgeıge kóterilip otyr. Osy maqsattaǵy sharalarǵa toqtalsaq, byltyrǵy jyl jaman aıaqtalǵan joq. Ormandy qorǵaý men ań aýlaýǵa qarsy kúrestiń barlyq kórsetkishteri jaqsy nátıjeni kórsetip otyr. Máselen, byltyr zańsyz aǵash kesý mólsheri aldyńǵy jyldarǵa qaraǵanda tómen boldy. Ósimdikter men janýarlar dúnıesin qorǵaý jónindegi memlekettik ınspektorlar jáne memlekettik orman kúzetiniń qyzmetkerleri birlesip 23 myń 46 tekserý reıdterin júrgizdi. Nátıjesinde zańsyz aǵash kesýdiń 1 myń 216 faktisi tirkelip, olar boıynsha 12,4 myń tekshe metr kóleminde aǵashtar kesilgeni anyqtaldy», dedi Komıtet tóraǵasy E. Nysanbaev.
Onyń aıtýynsha, byltyrǵy jyly orman zańnamasynyń buzylýy boıynsha 347 azamatqa 4 mln. 100 myń teńgege jýyq aıyppul salynǵan. Bunyń 248-inen 2 mln. 71 myń teńge óndirilip alyndy. 522 zań buzýshynyń ústinen 16 mln. 445 myń teńgeniń shaǵymy túsirilip, qazirgi ýaqytta olardan sot arqyly 6 mln. 190 myń teńge óndirilip alynǵan.
Sonymen birge, 2009 jyly zańsyz aǵash kesýshilerden 2,4 myń sharshymetr daıyndalǵan aǵash, 39 kólik quraldary, onshaqty qural-saımandar tárkilengen.
