Byltyr elimizdiń avtokólik salasynda júk tasymaly on paıyzǵa artty
ASTANA. 1 sáýir. QazAqparat - Elimizdiń avtokólik salasynda byltyr júk tasymaly on paıyzǵa artyp, 2,7 mlrd. tonnany qurady.
Búgin Parlament Májilisinde ótip jatqan Úkimet saǵatynda Kólik jáne kommýnıkatsııa mınıstri Asqar Jumaǵalıev osylaı málim etti.
«Al jolaýshy tasymaly 11 paıyzǵa artyp, onyń kólem 18,5 mıllıard adamdy qurap otyr. Budan bólek, byltyr avtokólik salmaǵy men gabarıtin avtomatty túrde ólsheıtin eki beket ornatyldy. Osyndaı bekettiń on birin iske qosyp, olardyń sanyn keıinnen 80-ge jetkizý josparda bar», dedi mınıstr.
Onyń sózine qaraǵanda, aǵymdaǵy jyly avtokólik joldaryndaǵy statsıonarlyq kóliktik baqylaý beketteri tolyǵymen jabylatyn bolady.
