Byltyr elimizden 84,2 mln. dollardy quraıtyn 36,5 myń tonna balyq ónimderi eksporttaldy - ıÝ. Romashov
Búgin balyq sharýashylyǵy salasyndaǵy qaıta óńdeý máselelerine arnalǵan dóńgelek ústel jıyny barysynda Aýyl sharýashylyǵy mınıstrligi Balyq sharýashylyǵy komıtetiniń tóraǵasy ıÝrıı Romashov osylaı málim etti, dep habarlaıdy QazAqparat.
«Sonymen bir mezgilde byltyrǵy jyly elimizge ımporttalǵan balyq jáne balyq ónimderi 42 myń tonnany qurap, bul aqshalaı kórsetkishke shaqqanda 37,3 mln. dollarǵa teń bolyp otyr. Osynyń ózi otandyq balyq óńdeý salasynyń damyp otyrǵanyn bildiredi», dedi Komıtet tóraǵasy ıÝ. Romashov.
Onyń aıtýynsha, Qazaqstanda shyǵarylatyn balyq ónimderi álemdik naryqtaǵy básekege qabiletti bolyp tabylady. Sonymen birge, Balyq sharýashylyǵy komıteti salany reformalaý jáne ony halyqaralyq standarttar talabyna sáıkestendirý barysynda birqatar problemalardy anyqtaǵan. «Tońazyltylǵan balyqtardy eksporttaýdy baqylaýda ustaý elimizdegi zańsyz aýlanatyn balyqtardyń aldyn alýmen birdeı bolyp tabylady. Bundaı baǵyttaǵy baqylaýdy kúsheıtý arqasynda elimizden eksporttalatyn óńdelmegen balyq kórsetkishi tómendedi. Al bul shara óz kezeginde otandyq balyq óńdeýshi kásiporyndardy shıkizatpen qamtamasyz etýge septigin tıgizdi. Nátıjesinde, balyq ónimderiniń tereń óńdelgen túrlerin eksporttaý 2007 jylǵa qaraǵanda 2009 jyly 26 paıyzǵa nemese 3,4 myń tonnaǵa artty», dedi ıÝ. Romashov.
