Byltyr elimizden 71 mln. tonna munaı eksporttaldy - Munaı jáne gaz mınıstri
ASTANA. 5 naýryz. QazAqparat - Byltyr Qazaqstan munaıynyń eksporty 71 mln. tonnany qurady.
Búgin Májiliste «Іshki naryqty munaımen jáne munaı ónimderimen qamtamasyz etý» jáne «Qarashyǵanaq jobasynyń úlesin memlekettiń satyp alýy» taqyryptaryndaǵy Úkimet saǵaty barysynda Munaı jáne gaz mınıstri Saýat Myńbaev osylaı málim etti.
«Byltyrǵy jylǵy munaı balansyna sáıkes, 2011 jyly munaı óndirýdiń kólemi 81 mln. tonnany, al munaı ımporty 7,1 mln. tonnany qurady. Bul rette otandyq munaı óńdeý zaýyttaryna barlyǵyn qosqanda 15 mln. tonna munaı jetkizildi. Onyń ishinde 13,7 mln. tonna qazaqstandyq munaı zaýyttaryna jetkizildi. Bundaǵy shaǵyn zaýyttardyń úlesi 1,3 mln. tonnany qurap otyr», - deıdi Saýat Myńbaev. Mınıstrdiń aıtýynsha, byltyrǵy jyly qazaqstandyq munaı eksportynyń kólemi 71 mln. tonnany qurady.
Mınıstrlik málimetterine qaraǵanda, eksport baǵyttary boıynsha Atyraý - Samara - 15427,4 myń tonna (100,6 paıyz) Orynbor GÓZ-i (kondensat) - 1211,296 myń tonna (60,3 paıyz), KQK - 28085,709 myń tonna (98,6 paıyz), Atasý - Alashańqaı - 10694,139 myń tonna (105,9 paıyz), Aqtaý teńiz porty arqyly - 7982,702 myń tonna (84,1 paıyz); temir jol arqyly -7655,941 myń tonna (127 paıyz) tasymaldanǵan.
