Byltyr elimizdegi tótenshe jaǵdaılardyń sany 18,4 paıyzǵa tómendedi
ASTANA. 21 mamyr. QazAqparat - Byltyr elimizdegi tótenshe jaǵdaılardyń jalpy sany 18,4 paıyzǵa tómendedi. Sondaı-aq, zardap shekkenderdiń sany 16,2 paıyzǵa, qaza bolǵandar 18,9 paıyzǵa azaıdy.
Búgin Parlament Májilisindegi Úkimet saǵatynda baıandama jasaǵan Tótenshe jaǵdaılar mınıstri Vladımır Bojko osylaı málim etti.
Mınıstrdiń aıtýynsha, 2011 jyly jáne 2012 jyldyń birinshi toqsanynda respýblıka boıynsha Tótenshe jaǵdaılar mınıstrliginiń jedel áreket etý kúshteri 69 382 ret jedel shaqyrtýlarǵa shyqty. Sondaı-aq, oqys oqıǵalardan 8 662 adam qutqarylyp, tótenshe jaǵdaı aýmaǵynan 1 184 adam kóshirildi.
«Esepti kezeńde zardap shekken 2 499 azamatqa alǵashqy medıtsınalyq jáne psıhologııalyq kómek kórsetildi. 15 myńnan astam órt sóndirilip, uıymdar men azamattardyń jalpy somasy 80 mlrd. teńgeni quraıtyn múlikteri saqtalyp qaldy»,-dedi mınıstr.
Onyń aıtýynsha, elimizdiń asa kúrdeli apattyq-qutqarý jumystary aýa raıy tez qubylatyn qysqy-kóktemgi kezeńderge tıesili bolyp otyr.
