Byltyr elimizdegi medqyzmetkerlerdiń jalaqy qory 40 paıyzǵa artty

Búgin QR Senat  depýtattarynyń qatysýymen ótken densaýlyq saqtaý salasyna tehnologııalardy berý jónindegi jobalardy iske asyrý máselelerine arnalǵan jıyn barysynda Densaýlyq saqtaý mınıstri Salıdat Qaıyrbekova osylaı málim etti.

Baıandama barysynda mınıstr Salıdat Qaıyrbekova, elimizde nátıjege baǵdarlanǵan ári kórsetiletin qyzmet sapasyn arttyrýǵa yntalandyratyn tólem ádisteri engizilgenin atap ótti. Onyń aıtýynsha, isker, menedjmentti tereń meńgergen bilikti bas dárigeri bar uıymdarda, aýrýhanalarda, emhanalarda dárigerlerdiń aılyq eńbekaqylarynyń tólemi onyń qabiletine qaraı 160 myńǵa, ortasha medqyzmetkerlerge jalaqy 140 myń teńgege deıin tólenedi.

«2011 jyldyń qorytyndylaryna sáıkes, jalpy elimiz boıynsha medıtsınalyq qyzmetkerlerdiń jalaqy qory 42 paıyzǵa artty.  Máselen, Oral qalasyndaǵy oblystyq kardıologııalyq ortalyqta dárigerlerdiń ortasha jalaqysy 275 myń  teńgeni qurady. Al medbıkelerdiń ortasha aılyǵy 165 myń teńgeni qurady. Bul belgilengen ortasha jalaqy deńgeıine qaraǵanda 3,5 esege artyq kórsetkish», - deıdi mınıstr.