Byltyr elimizdegi ekononomıkalyq belsendi halyqtyń sany - 8 mln. 457 myń adamdy qurady
ASTANA. Sáýirdiń 30-y. QazAqparat /Ernur Aqanbaı/ - Byltyr Qazaqstanda ekononomıkalyq belsendi halyqtyń sany - 8 mln. 457 myń adamdy qurady. Bul týraly búgin bnews.kz portalynda ótken online-konferentsııada QR Statıstıka agenttiginiń tóraǵasy Álıhan Smaıylov aıtty,
dep habarlaıdy QazAqparat.
Á. Smaıylovtyń sózine qaraǵanda, onyń ishinde jumys isteıtin halyqtyń sany - 7 mln. 903 myń adamdy, jumyssyzdar sany - 554 myń adamdy nemese ekonomıkaldyq belsendi halyq sanynyń 6,6 paıyzyn qurady. «Jumysbastylardyń 5 mln. 238 myńy jaldamaly jumysshylar, al 2 mln. 664 myń adam ózin-ózi jumyspen qamtyǵandar», dedi ol.
Onyń aıtýynsha, kóptegen damyǵan elderdegideı Qazaqstanda da jumysbastylyq statıstıkasy suryptalǵan zertteýlerge qurylǵan. Eńbek rynogy jónindegi aqparat suryptalǵan zertteýdiń derekterinen quralady. «Qazaqstanda 4 mıllıonan astam úı sharýashylyǵy bar, biz 21 myń úı sharýashylyǵyna esep-qısap júrgizemiz. Bul jalpy úı sharýashylyǵynyń shamamen 0,5 paıyzyn qamtıdy. Bul álemdik tájirıbege sáıkes keledi. Biz Halyqaralyq eńbek uıymynyń standarttaryna sáıkes tıisti anketa arqyly suraqtar qoıamyz. Jaýaptarǵa qaraı otyryp, adam jumysbasty ma, joq pa, sony anyqtaımyz», dedi Á. Smaıylov.
Agenttik tóraǵasy ózin-ózi jumyspen qamtyǵandardyń qataryna jeke kásipkerler, repetıtorlar, ártúrli medıtsınalyq, bilim berý, jyljymaıtyn múlikti jalǵa berý sıpatyndaǵy qyzmetter kórsetetin adamdar, fermerler jatatynyn aıtty. Onyń sózine qaraǵanda, ózin-ózi jumyspen qamtıtyndardyń qurylymynda aýylsharýashylyǵyndaǵy qyzmet kóp bóligin, 63 paıyzdy quraıdy, Bólshek saýda salasynda 22 paıyz bolady, bularǵa bazarlarda, saýda núktelerinde jumys isteıtin adamdar jatady. Kólikte 5 paıyz, qurylysta 4 paıyz.
«Jumyssyzdardyń qataryna úsh negizgi ólshemge sáıkes keletin adamdar jatady. Atap aıtqanda birinshiden, aǵymdaǵy kezeńde kiris keltiretin jumysy joqtar, ekinshiden, ótken kezeńde tym bolmaǵanda bir ret jumys tabýǵa áreket jasap kórgender, úshinshiden, taıaý kezeńde jumysqa kirisýge daıyn adamdar. Adam osy úshi ólshemge sáıkes kelse, onda ol jumyssyz bolyp sanalady», dedi ol.
