Byltyr elimizdegi bólshek saýda kólemi 319,7 mlrd. teńgeni qurady
ASTANA. 11 shilde. QazAqparat /Qanat Mámetqazyuly/ - 2010 jylǵy bólshek saýda kólemi 3197,1 mlrd.teńge qurady. Bul onyń aldyndaǵy jylǵa qaraǵanda 17,9 paıyzǵa joǵary kórsetkish.
Statıstıka agenttiginiń málimetinshe, byltyr bólshek saýdada taýar aınalymynyń ósýi saýda kásiporyndary (2010 jyly ótkizý kólemi 18,2 paıyzǵa ósti) jáne bazarlar men jeke kásipkerler (2009 jylǵa qaraǵanda 17,5 paıyzǵa joǵary) arqyly qol jetkizildi. Sonymen qatar, 2010 jyly jan basyna shaqqandaǵy bólshek saýda 195,9 myń teńgeni quraǵan. «Bólshek saýda qurylymynda satyp alýshylar kóbinese azyq-túlik emes taýarlaryn tutynýdy arttyrǵan. Onyń úlesi 67,2 paıyzdy qurasa, azyq-túlik taýarlary - 32,8 paıyzǵa teń boldy. Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 24,7 paıyzǵa ulǵaıdy», - delingen baspasóz qyzmeti taratqan aqparda.
Bólshek saýdanyń jalpy kólemindegi asa joǵary úles salmaq 2010 jyly respýblıka boıynsha Almaty qalasynda (30,3 paıyz), Qaraǵandy (10,3 paıyz) jáne Shyǵys Qazaqstan (9,2 paıyz) oblystarynda eleýli boldy.
