Byltyr elimizde taza qazaq tilinde jumys istegen mektepke deıingi uıymdar sany 2572-ni qurady
ASTANA. 17 mamyr. QazAqparat /Qanat Mámetqazyuly/ - 2010 jyly elimizde taza qazaq tilinde jumys istegen mektepke deıingi uıymdardyń sany 2572-i nysandy qurady.
Bul týraly QazAqparat Statıstıka agenttigine silteme jasap habarlaıdy.
«Mektepke deıingi uıymdarda qarym-qatynas 7 tilde júrgizildi. Atap aıtqanda, qazaq, orys, aǵylshyn, ózbek, káris, uıǵyr jáne nemis tilinde. Qarym-qatynas taza qazaq tilinde júrgiziletin mektepke deıingi uıymdardyń sany - 2572. Ol nysandarda 158,9 myń bala oqyp, tárbıelendi. Al orys tilinde - 1153 uıym (51,3 myń bala), birneshe tildegi (aralas uıymdar) - 1012 birlikti qurady ( onda qazaq tilinde - 86,1 myń bala, orys tilinde - 93,8 myń bala tárbıelendi). Jalpy mektepke deıingi uıymdardyń qyzmetkerler sany 92,2 myń adam qurady, onyń 46 paıyzy - pedagog qyzmetkerler. Bilim deńgeıi boıynsha 56,2 paıyz pedagog jáne medıtsınalyq qyzmetkerleriniń joǵary bilimi bar», delingen agenttiktiń taratqan málimetterinde.
Budan bólek, byltyrǵy jyly mektepke deıingi uıymdarda 616,5 myń naýqastaný oqıǵalary tirkelgen. Bul rette 1000 balaǵa shaqqandaǵy naýqastaný deńgeıi 1 453 oqıǵaǵa teń boldy. Kóbinese balalar tumaý jáne joǵary tynys joldarynyń ótkir ınfektsııalarymen aýyrdy.
«Árbir úshinshi derlik mektepke deıingi uıymnyń abattandyrylýy qazirgi talaptarǵa saı kelmeıdi. Bundaı uıymdardyń 25 paıyzy pesh jylýyn qoldanady», - delingen taratylǵan aqparatta.
