Byltyr elimizde 6,5 mln. sharshymetr turǵyn úı paıdalanýǵa berildi
ASTANA. 19 naýryz. QazAqparat - 2001 jyly qarjylandyrýdyń barlyq kózderi boıynsha turǵyn úı qurylysyna 417,1 mlrd. teńge jumsaldy.
Bul 2010 jylmen salystyrǵanda 119,2 paıyzdy quraıdy. Búgin Parlament Májilisinde ótip jatqan Úkimet saǵatynda Qurylys jáne turǵyn úı kommýnaldyq sharýashylyq isteri agenttiginiń tóraǵasy Serik Nokın osylaı málim etti.
«Sondaı-aq, 2011 jyly 6,5 mln. sharshymetr turǵyn úı paıdalanýǵa berildi. Bul aldyńǵy jylmen salystyrǵanda 101,9 paıyzdy qurady. Al, turǵyn úıdi iske qosýdyń jalpy kóleminiń 55 paıyzy jeke turǵyn úı qurylysyna tıesili bolyp otyr jáne bul 3,6 mln. sharshymetrdi quraıdy. Atalǵan kórsetkish 2010 jylmen salystyrǵanda 13 paıyzǵa artyq»,-dedi S. Nokın.
Agenttik tóraǵasynyń aıtýynsha, 2012 jylǵy bıýdjetke sáıkes vedomstvonyń shyǵystary boıynsha bıýdjettik baǵdarlamalarǵa 238,9 mlrd. teńge qarastyrylǵan.
