Byltyr elimizde 5683 zańsyz qoqys alańy paıda bolǵan

ASTANA. QazAqparat – Byltyr elimizde 5683 zańsyz qoqys alańy paıda bolǵan. Ekologııalyq retteý jáne baqylaý komıteti tóraǵasynyń mindetin atqarýshy Aıdar Abdýalıev Ortalyq kommýnıkatsııalar qyzmetinde ótken brıfıngte osyndaı málimet aıtty, dep habarlaıdy QazAqparat tilshisi.

«Ǵaryshtan jasalǵan monıtorıng aıasynda 2022 jyly 5683 ruqsat etilmegen qoqys úıindisi anyqtaldy. Olardyń 77%-y nemese 4 331-i joıyldy.

Stıhııalyq qoqys úıindileriniń eń kóbi Aqmola (830), Qaraǵandy (745) oblystarynda, sondaı-aq Astana qalasynda (551) tirkeld», - dedi ol.

Sondaı-aq, Aıdar Abdýalıev zańsyz qoqyspen kúresti sylbyr júrgizip jatqan óńirlerdi atady.

«Osyndaı úıindilerdi joıýdyń eń tómen kórsetkishi Abaı (10%), Ulytaý (15%), Batys Qazaqstan oblystarynda (56%) jáne Astana qalasynda (52%) tirkeldi», - dedi vedomstvo ókili.