Byltyr elimizde 47 myń travmatıkalyq qarýdy turǵyndar óz erikterimen tapsyrǵan
ASTANA. QazAqparat - 2015 jyly Qazaqstanda azamattar óz erikterimen 47 myń travmatıkalyq qarý tapsyrǵan. Bul týraly búgin QR Іshki ister mınıstriniń orynbasary Erlan Turǵymbaev málim etti.
«Qazaqstanda azamattyq aınalymda travmatıkalyq qarýǵa tyıym salynǵandyqtan, 2015 jyly biz ol qarýlardy halyqtan satyp alý sharasyn ótkizdik. Jalpy byltyr ishki ister organdaryna 44,5 myń azamat habarlasyp, jalpy quny 2,3 mlrd teńgege 47 myń qarý tapsyrǵan», - dedi E.Turǵymbaev Astanada ótken baspasóz máslıhatynda.
Onyń sózine qaraǵanda, travmatıkalyq qarý qoǵamdyq qaýipsizdikti jaqsartý maqsatynda tyıym salyndy.
«2015 jyly travmatıkalyq qarý qoldaný arqyly jasalatyn qylmystardyń sany 79 paıyzǵa kemigen. Bıyl eki aıda tek eki oqıǵa tirkeldi», - deıdi ol.
E.Turǵymbaevtyń atap ótkenindeı, atalmysh qarý negizinen basqa maqsattarǵa paıdalanyp ketedi.
«Qazirgi ýaqytta travmatıkalyq qarýlar qylmystyń qarýyna aınaldy. Máselen, 2008 jyly travmatıkalyq qarýdyń qatysýymen tek 46 qylmys oryn alsa, 2012 jyly ol 375-ke deıin jetti. Qarap otyrsaq segiz ese ósken. Osy aralyqta travmatıkalyq qarýdan 22 adam óltirildi, 257 qaraqshylyq shabýyl, 642 buzaqylyq jáne ózge de qylmystar jasaldy», - dep qorytyndylady QR ІІM basshysynyń orynbasary.
