Byltyr elimizde 367 myń jumysshy zııandy ortada eńbek etken

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev zııandy jumys oryndary eń kóp tirkelgen óńirlerdi atady, dep habarlaıdy QazAqparat tilshisi.

«Resmı statıstıka boıynsha, 2020 jyly tekserilgen kásiporyndardaǵy 1,6 mln qyzmetkerdiń 367 myńy (22%) zııandy eńbek jaǵdaılarynda eńbek etken. Olardyń eń kóp sany Qaraǵandy (74 myń adam), Pavlodar (46 myń adam), Shyǵys Qazaqstan (37 myń adam) jáne Mańǵystaý oblystarynda (32 myń adam) jumys istedi», - dedi ol ortalyq kommýnıkatsııalar qyzmetinde ótken brıfıngide.

Komıtet basshysynyń málimeti boıynsha, tek taý-ken óndirý salasynda ǵana 120,8 myń adam adam zııandy jaǵdaıda jumys istegen.

«Shý men dirildiń joǵary deńgeıi jaǵdaıynda árbir ekinshi jumysshy (46%), joǵary gazdy jáne shańdy aımaqta árbir úshinshi jumysshy (32%) eńbek etken. 94 myń adam aýyr jumysqa tartylǵan», - dedi Erbol Nurǵalıev.