Byltyr elimizde 20 myńnan asa ınternet-alaıaqtyq qylmysy tirkelgen

ASTANA. QazAqparat – Ótken jyly respýblıka boıynsha 20 444 ınternet-alaıaqtyq faktisi tirkelgen. Bul týraly Іshki ister mınıstrliginiń brıfıngisinde Krımınaldyq polıtsııa departamenti bastyǵynyń orynbasary Arman Orazalıev málim etti, dep habarlaıdy QazAqparat tilshisi.

«Kıberqylmystardyń basty ereksheligi men bar qıyndyǵy – onyń halyqaralyq baılanys jelisi arqyly qashyqtyq talǵamaı, memleketaralyq shekaralardy «attap» ketetindiginde bolyp tur. Onyń ústine kompıýterlik qylmyskerler is-áreketke bararda aty-jóni men jumys ornyn, kompanııasyn birneshe ret ózgertip, myń túrlendiretin arnaıy baǵdarlamalyq jasaqtamalardy qoldanady. 2022 jyly jalpy el boıynsha 20 444 ınternet-alaıaqtyq faktisi tirkelgen. Jalpy bul kórsetkish aldyńǵy jylmen salystyrǵanda 4%-ǵa tómen. Internet qylmystyń úshten biri onlaın-saýda kezinde jasalynady. Ádette, alaıaqtar áleýmettik jelide, belgili bir saıttarda aldyn ala jarnamalaryn ornalastyrady. Mundaı jarnamalardan azamattarymyzǵa óte saq bolý kerek», - dedi Arman Orazalıev.

Onyń dereginshe, ınternet-alaıaqtyq qylmystary myna óńirlerde kóp tirkelgen:

- Astana - 4397 fakti;

- Almaty - 2284 fakti;

- Qaraǵandy oblysy - 1786 fakti;

- Shyǵys Qazaqstan oblysy - 1309 fakti.