Byltyr elimizde 1 trln. 640,2 mlrd. teńgeniń aýyl sharýashylyǵy ónimderi óndirildi
ASTANA. Maýsymnyń 15-i. QazAqparat /Qanat Mámetqazyuly/ - 2009 jyly aýyl sharýashylyǵy ónimderi 1 trln. 640,2 mlrd. teńgege óndirildi,
dep habarlaıdy QazAqparat Statıstıka agenttigine silteme jasap.
Agenttik málimetterine qaraǵanda, 2009 jyly 2008 jylmen salystyrǵanda aýyl sharýashylyǵy óniminiń jalpy kólemi respýblıka boıynsha 13,9 paıyzǵa ósti. Atalmysh ósim ósimdik sharýashylyǵy óniminiń 23,5 paıyzǵa jáne mal sharýashylyǵy óniminiń 2,4 paıyzǵa artýymen negizdeledi. Sonymen birge, esepti kezeńde ósimdik sharýashylyǵyndaǵy jalpy ónimniń kólemi 936,3 mlrd. teńgeni qurasa, bul 2008 jylmen salystyrǵanda 123,5 paıyzdyq kórsetkish bolyp otyr. Al mal sharýashylyǵyndaǵy jalpy ónimniń kólemi 703,3 mlrd. teńgeni quraıdy, bul aldyńǵy jylǵa qaraǵanda 102,4 paıyz.
