Byltyr el joldarynda oryn alǵan 14 myńǵa jýyq jol apatynda 3 myńǵa tarta adam qaza boldy - ІІM
ASTANA. 19 maýsym. QazAqparat - Byltyr elimizde 14 myńǵa tarta jol-kólik oqıǵasy tirkelip, olardyń saldarynan 3 myńǵa tarta adam qaza bolǵan.
Bul týraly búgin Májilistiń jalpy otyrysynda «Jol júrisi týraly» zań jobasy boıynsha baıandama jasaǵan Іshki ister mınıstri Qalmuhanbet Qasymov málim etti.
Mınıstrdiń aıtýynsha, jol júrisiniń joǵarǵy sapasy men qaýipsizdigi elimizdiń turaqty damýynyń mańyzdy sharty bolyp tabylady. Soǵan oraı, qazirgi ýaqytta elimizde avtomobıl parkiniń qarqyndy ósýi joldardyń nasharlaýyna, kólik oqıǵalary sanynyń kúrt artýyna ákep soqtyryp jatyr.
«Sońǵy bes jylda kólik quraldarynyń sany kúrt ósip, olardyń sany 4 mıllıon birlik shamasynda bolyp otyr. Avtomobıldiń jol jelilerine túsetin aýyrlyq jolaýshylar men júkterdi jetkizýdiń senimdiligin tómendetip, jol kólik oqıǵalar kórsetkishin arttyryp otyr. Tek byltyrǵy jyldyń ózinde ǵana respýblıkamyzda 14 myńnan astam jol kólik oqıǵasy tirkelip, onda 3 myń adam qaıtys boldy. 17 myńǵa tarta adam jaraqat aldy», - dedi ishki ister mınıstri.
