Byltyr el sportshylary olımpıadalyq emes sport túrlerinen 316 medal jeńip aldy - Sport agenttigi
ASTANA. 21 qazan. QazAqparat - Byltyr el sportshylary olımpıadalyq emes sport túrlerinen 316 medal jeńip aldy.
Bul týraly búgin Májilistegi Úkimet saǵatynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov osylaı málim etti.
Agenttik tóraǵasynyń aıtýynsha, elimizde olımpıadalyq emes port túrlerin damytý da qarqyndy damyp keledi. Sonyń ishinde Qazaqstan sportshylary halyqaralyq deńgeıdegi asa mańyzdy jarystarǵa qatysyp keledi. Byltyr el sportshylary olımpıadalyq emes sport túrlerinen 316 medal jeńip alǵan. «Múgedekter arasyndaǵy sport ta damý ústinde, buǵan múmkinshiligi shekteýli sportshylarymyzdyń halyqaralyq jarystardaǵy jetistikteri dálel. London qalasyndaǵy 14-i Paralımpıada oıyndarynda úsh sportshymyz birinshi ondyqtan kórindi. Barlyq halyqaralyq jarystarda dene múmkindikteri shekteýli sportshylarymyz 53 medalǵa ıe boldy», deıdi E. Qojaǵapanov.
Onyń aıtýynsha, ulttyq sport túrleri de belsendi damý ústinde. Máselen, osy baǵytta qazaqstandyq sportshylar 226 medal utyp alsa, sonyń 73 altyn, 66 kúmis jáne 87 qola medal.
