Byltyr el aýmaǵynda 17 myńǵa jýyq órt oqıǵasy boldy - QR TJM
ASTANA. 27 aqpan. QazAqparat - Qazaqstanda 2012 jyldyń on eki aıy ishinde 17 myńǵa jýyq órt oqıǵasy boldy, saldarynan 521 adam kóz jumdy.
Bul týraly Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Vladımır Bekkerge silteme jasap, primeminister.kz saıty habarlady.
«2012 jyldyń 12 aıynda respýblıkada 16 904 órt boldy, kelgen materıaldyq shyǵyn 5,615 mlrd teńgeni qurady. 2011 jylmen salystyrǵanda órtter sany 11 paıyzǵa, materıaldyq shyǵyn 12 paıyzǵa artty. Tilsiz jaýdyń saldarynan 521 adam kóz jumdy»,- dedi V.Bekker.
Sonymen qatar ol órtter memlekettik órt baqylaýynyń qadaǵalaýyna jatpaıtyn nysandar arasynda jıi kezdesetinin atap ótti.
Órt shyǵý oqıǵalary baqylaýdaǵy nysandardyń 1624-inde tirkeldi, bul jalpy kórsetkishtiń 10 paıyzyn ǵana quraıdy.
Oqıǵalar jergilikti jerlerdegi óndiristik jáne qoıma ǵımarattarynda jıi oryn alǵan.
Órt shyǵýynyń basty sebepteriniń biri halyqtyń otty abaısyz paıdalanýy jáne elektr jabdyqtaryn montajdaý men tehnıkalyq paıdalanýy kezindegi muqııatsyzdyq bolyp tabylady.
