Byltyr densaýlyq saqtaý salasynda 71 jemqorlyq faktisi tirkelgen

NUR-SULTAN. QazAqparat – 2021 jyly densaýlyq saqtaý salasynda 71 jemqorlyq faktisi tirkelgen. Vedomstvonyń keńeıtilgen alqa otyrysynda mınıstr Ajar Ǵınııat osyndaı derek keltirdi, dep habarlaıdy QazAqparat tilshisi.

«Memleket basshysy «SQ-Farmatsııa» bazasynda medıtsınalyq tehnıkany ortalyqtandyrylǵan satyp alýǵa kóshýdi tapsyrdy. Osyǵan baılanysty óńirlerdiń qajettiligine taldaý júrgizilip, normatıvtik baza men aqparattyq júıeler pysyqtalady.

Budan ári qarjylandyrý kózderin aıqyndaı otyryp, 2025 jylǵa deıingi basym baǵyttar boıynsha medıtsınalyq tehnıkamen jaraqtandyrý baǵdarlamasy bekitiledi», - dedi vedomstvo basshysy.

Onyń sózine qaraǵanda, sybaılas jemqorlyqqa qarsy qyzmettiń tekserýleri medıtsınalyq jabdyqtardy satyp alý vedomstvodaǵy bıýdjet qarajatyn jymqyrýdyń negizgi kózderiniń biri ekenin kórsetken.

«Jalpy 2021 jyly 71 qylmystyq quqyq buzý faktisi anyqtaldy. Sondaı-aq, medıtsınalyq qospalardy tóleýge bólingen bıýdjet qarajatynyń maqsatsyz jumsalǵany baıqalady. Monıtorıngilik toptardyń jumysynda zańsyzdyqtar anyqtaldy. Vaktsınalaýdyń jalǵan elektrondyq pasporttaryn berý faktileri tirkelgenin bilesizder. Ondaı sanattaǵy zańsyzdyqtar ásirese Nur-Sultan jáne Almaty qalasynda, Túrkistan, Almaty, Aqmola jáne Qostanaı oblystarynda jıi tirkeldi. Salada sybaılas jemqorlyq kórinisterimen ymyrasyz kúres saıasaty jalǵasatynyn aıtqym keledi», - dedi mınıstr.