Byltyr beıne baqylaý arqyly 146 myńnan astam ákimshilik quqyq buzýshylyqtyń joly kesildi - Q.Qasymov
ASTANA. QazAqparat - Qazaqstanda 8 myńnan astam turǵyn úılerdiń aýlasy beıne baqylaýmen qamtamasyz etilgen. Bul týraly búgin Májilistegi jergilikti polıtsııa qyzmeti taqyrybyna arnalǵan Úkimet saǵatynda Іshki ister mınıstri Qalmuhanbet Qasymov osylaı málim etti.
Mınıstrdiń sózine qaraǵanda, qazirgi tańda óńirlerde «Qaýipsiz qala» jobasy jemisti júzege asýda, onyń aıasynda aýlalarǵa segiz myńnan astam turǵyn úıler aýlalaryna 19 myń beıne baqylaý kameralary ornatylǵan.
«Aǵymdaǵy jyldyń ózinde osyndaı beıne baqylaý arqyly aýlalarda 350 qylmys ashylyp, 8 myńnan astam quqyq buzýshylyq tirkeldi. Jalpy beıne baqylaý júıesi quqyqtyq tártipti táýlik boıy baqylaýǵa septigin tıgizip, turǵyn úıler men aýlalardaǵy qylmystarǵa jedel den qoıýǵa jol ashyp jatyr», - dedi Q.Qasymov.
Onyń aıtýynsha, elimizdiń úlken qalalaryndaǵy kóshelerine, qoǵamdyq oryndaryna 3 900 baqylaý kameralary ornatylǵan, olardyń basym bóligi Jedel basqarý ortalyǵynyń pýltine qosylǵan.
«2015 jyly beıne baqylaý arqyly 146 myńnan astam ákimshilik quqyq buzýshylyqtyń joly kesilip, 866 qylmys ashyldy», - deıdi mınıstr.
