Byltyr azyq-túlik ınflıatsııasynyń rekordtyq kórsetkishi tirkeldi - Serik Jumanǵarın

ASTANA. QazAqparat – Ótken jyly azyq-túlik ınflıatsııasy men áleýmettik mańyzy bar taýarlardyń baǵasy ósken. Bul týraly Saýda jáne ıntegratsııa mınıstrliginiń keńeıtilgen alqa otyrysynda vedomstvo basshysy Serik Jumanǵarın aıtty, dep habarlaıdy «QazAqparat» tilshisi.

«Byltyrǵy jyldyń 11 aıynda ishki taýar aınalymy 44,3 trln teńgege jetti. Bul – 2021 jyldyń uqsas kezeńmen salystyrǵanda 19,7%-ǵa artyq. Tartylǵan ınvestıtsııalar kólemi 38,2%-ǵa ósti. Atap aıtqanda, onyń kólemi 2021 jyly bolǵan 210,3 trln teńgeden byltyr 290,7 trln teńgege deıin ulǵaıdy. Ótken jyly elimizde azyq-túlik ınflıatsııasynyń rekordtyq kórsetkishi tirkeldi, ıaǵnı ol 25,3 paıyzǵa ósti. Sonymen qatar, áleýmettik mańyzy bar azyq-túlik taýarlarynyń baǵasy 22,7 paıyzǵa óskeni baıqaldy. Bul rette baǵanyń aıtarlyqtaı ósýi aqpannan sáýirge deıingi kezeńge keledi. Negizgi sebepter – geosaıası jaǵdaıdyń ózgerýi, ulttyq valıýta baǵamynyń álsireýi jáne sanktsııalardyń engizilýi. Osyǵan baılanysty baǵa belgileýdiń negizgi komponentteri qaıta qaralyp, ońtaılandyryldy», - dep atap ótti Serik Jumanǵarın.