Byltyr aýyl sharýashylyǵyna 800 myń tonna dızel otyny jeńildetilgen baǵamen jetkizildi

Búgin Májiliste «Іshki naryqty munaımen jáne munaı ónimderimen qamtamasyz etý» jáne  «Qarashyǵanaq jobasynyń úlesin memlekettiń satyp alýy» taqyryptaryndaǵy Úkimet saǵaty barysynda Munaı jáne gaz mınıstri Saýat Myńbaev osylaı málim etti.

Mınıstrdiń aıtýynsha, 2011 jyly qazaqstandyq munaı óńdeý zaýyttarynan aýyl sharýashylyǵyna jeńildik baǵa boıynsha 800 myń tonna dızel otyny jetkizildi. Bul dızel otyny shekti bólshektegi saýda baǵasynan 20 paıyzǵa deıin arzandatylǵan edi. «Respýblıkanyń áleýmettik óndiristik nysandary úshin tonnasyna eń tómengi naryqtyq quny 60-70 myń teńge kezinde 305 myń tonnadan astam mazýt jetkizildi. Bundaı baǵyttaǵy baǵdarlamalar bıyl da júzege asatyn bolady», - deıdi mınıstr.