Byltyr aýyl sharýashylyǵy salasyndaǵy jalpy ónim 4,4 paıyzǵa artty - AShM

ASTANA. QazAqparat - Byltyr elimizdiń aýyl sharýashylyǵy salasyndaǵy jalpy ónim 4,4 paıyzǵa artty. Bul týraly búgin Senatta ótken kezdesý barysynda Aýyl sharýashylyǵy mınıstri Asyljan Mamytbekov málim etti. Kezdesý barysynda agroónerkásip keshenin damytý máseleleri talqylanǵan bolatyn.

«Byltyrǵy 2015 jyly aýyl sharýashylyǵy salasynyń jalpy ónim aýqymy 4,4 paıyzǵa artyp, 2,7 trln teńgeni qurady.
Bul ósim negizinen ósimdik sharýashylyǵy ónimderin 5,6 paıyzǵa arttyrý, mal sharýashylyǵy ónimderiniń kólemin 3,2 paıyzǵa artýy esebinen qamtamasyz etildi. Sonymen bir mezgilde, byltyr aýyl sharýashylyǵy salasyndaǵy negizgi kapıtalǵa salynǵan ınvestıtsııa kólemi 6,3 paıyzǵa azaıyp, 167 mlrd teńgeni qurady. Áıtse de, azyq-túlik ónerkási salasyna salynǵan ınvestıtsııa artyp, 2014 jylmen salystyrǵanda 28 paıyzǵa ósti», - deıdi Asyljan Mamytbekov.
Aıta keterligi, byltyrǵy jyly elimizdegi azyq-túlik ónerkásibiniń negizgi kapıtaly 56 mlrd teńgeni quraǵan.