Byltyr Astanada qylmys sany 9 paıyzǵa ósken
ASTANA. QazAqparat - Byltyr Astanada qylmys sanynyń 9 paıyzǵa ósken, dep habarlaıdy QazAqparat elordalyq polıtsııa departamentine silteme jasap.
Sonymen qatar, adam óltirý, aýyr dene jaraqatyn salý, zorlaý, tonaý, buzaqylyq jáne páter urlyqtary azaıǵan. Kóshedegi qaýipsizdik deńgeıi 5,5%-ǵa artyp, qylmystyń qaıtalanýy 42,1%-ǵa tómendegen.
«Sońǵy bes jylda qylmys sany eki esege azaıdy. Eger 2017 jyly 32 397 qylmys tirkelse, 2022 jyly – 16 572. Ótken jyly 194 jalǵan jarnama men zańsyz ınternet-resýrs buǵattaldy. 536 epızod jasaǵan 89 adam jáne úsh top ustaldy. Esirtki qylmysymen kúres jáne nashaqorlyqtyń aldyn- alý máselelerine erekshe nazar aýdarylady. 232 esirtki qylmysy anyqtaldy, onyń ishinde 171-i satý boıynsha. 257,5 kg ártúrli esirtki zattary, onyń ishinde 34,3 kg sıntetıkalyq zattar tárkilendi. Tórt esirtki óndiretin zerthananyń qyzmeti toqtatylyp, 75 esirtki saıttary buǵattaldy», - dep jazdy vedomstvodan.
Elordada esirtki jetkizip, satýmen aınalysqan uıymdasqan qylmystyq top joıyldy. Bes qatysýshy, uıymdastyrýshy jáne negizgi jetkizýshi ustaldy. 37 keli gashısh tárkilendi.
Máselen, jedel is-sharalar barysynda 53 jastaǵy elorda turǵyny ustalyp, tintý kezinde odan esirtki zattaryn daıyndaýǵa jáne qoldanýǵa arnalǵan qurylǵylar tárkilendi. Onyń «ekstraktsııalyq apıyn» esirtkisin asa iri kólemde satýǵa qatystylyǵy anyqtaldy. Atalǵan fakti boıynsha QR Qylmystyq kodeksiniń 297-baby «Asa iri mólsherde esirtki quraldaryn, psıhotroptyq zattardy zańsyz alý, saqtaý, tasymaldaý nemese ótkizý» boıynsha qylmystyq is qozǵaldy. Kúdikti Astana qalasy PD-niń ýaqytsha ustaý ızolıatoryna qamaldy.
