Byltyr áskerı kemelerimiz 3,5 myńnan astam jýyq oqý-jattyǵýdy pysyqtady

ASTANA. QazAqparat - Qazaqstannyń Áskerı-teńiz kúshterinde 2016 jyldyń qorytyndysy shyǵaryldy. Oqý-jaýyngerlik qyzmettiń taldaýy jaýyngerlik daıarlyqtyń qarqyndylyǵy 25,5%-ǵa jáne áskerı korablderdiń júzip ótýi 35,4%-ǵa ulǵaıǵanyn kórsetti, dep habarlaıdy Qorǵansy mınıstrliginiń baspasóz qyzmeti.

QR QK Áskerı-teńiz kúshteri bas qolbasshysynyńi aqparaty boıynsha ótken jyly barlyǵy 3 600-ge jýyq korabldi oqý-jattyǵý ótkizildi. 2015 jyly olardyń sany 2 600 bolǵan. Korablder 240-tan astam táýlik júzgen. Áskerı teńizshiler teńizde shamamen 5 800 saǵat ótkizdi. Jalpy alǵanda, 2016 jyly áskerı teńizshiler 30 myńnan asa mıl júzdi.

Jedel daıyndyq sheńberinde Áskerı-teńiz kúshteri bir jyl boıy onyń ishinde, Aqtaý Aqtaý garnızonynyń áskerı bólimderin, sondaı-aq, ózge de ásker túrleri men ásker tekteriniń quramynan jedel toptardy tarta otyryp, jedel-taktıkalyq jıyndar, komandalyq-shtabtyq jattyqtyrýlar, komandalyq-shtabtyq jáne taktıkalyq-arnaıy oqý-jattyǵýlar ótkizdi.

Jaýyngerlik daıarlyqta qarý-jaraq pen áskerı tehnıkany qoldaný daǵdylaryn jetildirýge, bólimsheler men korablderdiń úılesimdiligine jiti nazar aýdaryldy.  Qazaqstan ÁTK áskerı korablderiniń ekıpajdary korabldi uıymdastyrý men ony urys pen joryqqa daıyndaý, jeke dara korabldiń jaýyngerlik is-qımyldardy júrgizýi úsh kýrstyq tapsyrmany pysyqtady.  Kýrstyq tapsyrmalardy pysyqtaýdyń ereksheligi jaýyngerlik daıarlyq baǵdarlamalaryna Armııa halyqaralyq oıyndaryna qatysý úshin teńiz bıatlony elementteriniń engizilýi boldy. Bir sózben aıtqanda, «Oral» zymyran-artıllerııalyq korabli «Kaspıı teńizi - 2016» baıqaýynda ekinshi oryndy enshilep, 2015 jylǵy Armııa halyqaralyq oıyndarynda «Saryarqa» zymyran-artıllerııalyq korabliniń sátti shyqqan debıýtin qaıtalady.

2016 jyly Aqtaýda áskerı korablder men kemelerdiń turaqtaýyna arnalǵan alǵashqy pırs ashyldy. Jeke menshik turaqtaý pýnkti áskerı teńizshilerge Kaspıı teńiziniń qazaqstandyq sektoryndaǵy yqtımal qaýip-qaterlerge tıimdi ári ýaqtyly den qoıyp  jáne qajet bolǵan jaǵdaıda korablderdiń shoǵyrlaný aýdandaryna shyǵýdy jedel júzege asyryp qana qoımaı, sonymen birge, materıaldyq-tehnıkalyq qamtamasyz etýdiń barlyq túrlerimen qamtamasyz etý jáne jetkizip berýdi ýýaqtyly uıymdastyrýǵa múmkindik beredi. 

Áskerı-teńiz kúshteriniń áskerı-tehnıkalyq quramdasy da nazardan tys qalǵan joq. Oralda otandyq «Zenıt» zaýytynda qurastyrylǵan arnaıy maqsattaǵy bólimshelerge arnalǵan alǵashqy arnaıy kater sýǵa túsirildi. Baza sý aıdyny, kemejaı, keme joly men Kaspııdiń jaǵa mańyndaǵy bóliginde mınaǵa qarsy qorǵanysty qamtamasyz etý úshin jaraqtandyrýǵa «Alataý» mına-tartqysh korabli kelip tústi. Al Kaspıı teńiziniń sýasty sý aıdynyn, súńgýirlerdiń jattyqtyrý kerek-jaraǵyn kúzetý úshin tuńǵysh ret Áskerı-teńiz kúshterine «Gıdroprıbor» ǴZI» AQ qazaqstandyq kásipornynda daıyndalǵan mobıldi súńgýir kesheni jetkizildi. Atalmysh keshen KAMAZ avtomobılderiniń bazasynda ornalastyryldy. Onyń quramyna súńgýirlik túsýlerdi qamtamasyz etý quraldary bar modýl, ashyq jáne tuıyqtalǵan úlgidegi tynys alý apparattary jáne teńizde jumys jasaýǵa arnalǵan jyldam júzetin qaıyqtar kiredi.