Byltyr ashyq tústi benzınniń baǵasy Qazaqstanda Reseıge qaraǵanda 20-30 paıyzǵa tómen boldy - Munaı jáne gaz mınıstri
ASTANA. 5 naýryz. QazAqparat - Byltyr ashyq tústi benzınniń baǵasy Qazaqstanda Reseıge qaraǵanda 20-30 paıyzǵa tómen boldy. Bul kórshi elden ımporttalatyn munaı ónimderine qaramastan oryn aldy.
Búgin Májiliste «Іshki naryqty munaımen jáne munaı ónimderimen qamtamasyz etý» jáne «Qarashyǵanaq jobasynyń úlesin memlekettiń satyp alýy» taqyryptaryndaǵy Úkimet saǵaty barysynda Munaı jáne gaz mınıstri Saýat Myńbaev osylaı málim etti.
«Shekti mólsher baǵasy belgilenbeıtin ashyq tústi munaı ónimderiniń baǵasy byltyrǵy jyldyń kúzine deıin Reseı naryǵyna qaraǵanda tómen boldy. Bul Reseıden aıtarlyqtaı ımportqa qaramastan oryn aldy. Al keıingi kóterilgen baǵa ashyq tústi munaı ónimderiniń barlyq túrlerin jetkizýdegi ákimshilik shekteýlerge baılanysty boldy. Óıtkeni, kórshi eldiń naryǵynda da óz qıynshylyqtary qalyptasqan edi. Jalpy alǵanda ashyq tústi benzınniń baǵasy Qazaqstanda Reseıge qaraǵanda 20-30 paıyzǵa tómen. Bul naǵyz áleýmettik máni bar ustanym boldy», - deıdi mınıstr.
Onyń aıtýynsha, qazirgi kúni Qazaqstanda ishinara ımporttaýǵa májbúr bolyp otyrǵan avıakerosındi qosa alǵanda ashyq tústi munaı ónimderine baǵa Reseımen birdeı námese sál ǵana joǵary.
