Byltyr arhıvke ótinish joldaǵandardyń 60%-ǵa jýyǵynyń qujattary tabylmaǵan

ASTANA. QazAqparat – Ótken jyly memlekettik arhıvterge ótinish joldaǵandardyń 60%-ǵa jýyǵynyń qujattary tabylmaǵan. Mádenıet jáne sport mınıstrligi jarııalaǵan retteýshilik saıasattyń konsýltatıvtik qujatynda osyndaı derekter keltirgen, dep habarlaıdy QazAqparat tilshisi.

«Jyl saıyn memlekettik arhıvterge ortalyq memlekettik jáne jergilikti atqarýshy organdardyń, zańdy jáne jeke tulǵalardyń, arhıvtik aqparatty paıdalanýshylardyń 500 myńnan astam suraý salýy kelip túsedi. Alaıda, memlekettik saqtaýda qujattardyń bolmaýyna baılanysty olarǵa teris jaýaptar beriledi. Mysaly, 2022 jyly arhıvke kelip túsken 459 957 saýaldyń 272 357-ne teris jaýaptar berildi, bul 59%-yn quraıdy», - delilgen qujatta.

Eske sala keteıik, buǵan deıin arhıvke tapsyrylýy tıis qujattardy jıi joǵaltatyn tórt mınıstrlik týraly jazyp edik.

Sonymen qatar mınstrlik 13 oblystyń arhıvi tolǵan, tıisinge qujat saqtaıtyn oryn joq ekenin málimdedi.

Buǵan qosa elimizde arhıv qujattarynyń 98 paıyzy órtten qorǵalmaǵan ǵımarattarda saqtaýly tur.