Byltyr Almatynyń shetinde turatyn 17 adam jedel járdem kelgenge deıin kóz jumǵan
Vedomstvo málimetinshe, jedel medıtsınalyq kómek kórsetý erejesi boıynsha dárigerler brıgadasy adam ómirge tikeleı qaýip tóndiretin jaǵdaılarda shaqyrtýdy alǵan sátten bastap 10 mınýtta jetýi tıis.
«Qazirgi ýaqytta Alataý aýdanynda 18 myńǵa jýyq halyq turady, oǵan Almaty oblysynyń birqatar baý-baqsha seriktestikteri qosylǵan. Atalǵan yqshamaýdanǵa eń jaqyn jedel járdem stantsııasy 20 shaqyrym jerde ornalasqan. Qaladaǵy keptelisti eskeretin bolsaq, feldsherler naýqasqa keshigip keletinin kóremiz»,- dep habarlady prokýratýradan.
Sonymen qatar prokýratýra mamandary 2021 jylǵa taldaý jasady.
«Saldarynan 17 turǵyn jedel járdem kóligi kelgenge deıin qaıtys bolyp ketkeni anyqtaldy. Medeý aýdanynyń prokýratýrasy osy problemany sheshý úshin ýákiletti organǵa prokýrorlyq qadaǵalaý aktisin engizdi. Sondaı-aq 17 adamnyń qaıtys bolý sebepterin tergeý úshin arnaıy komıssııa quryldy»,- dep atap ótti vedomstvadan.