Byltyr Almatyda jol erejesin buzýdyń jarty mıllıon faktisi tirkeldi
ALMATY. QazAqparat - Almaty joldarynda ornatylǵan foto jáne vıdeobaqylaý qondyrǵylary 2016 jyly jol erejesin buzýdyń 500 myń faktisi tirkeldi, dep habarlaıdy «QazAqparat» tilshisi.
Sonymen qatar, ishimdik ishken 2 370 júrgizýshi ustalyp, 4 500 adam júrgizý kýáliginen aıyryldy.
«Jol erejesin saqtaý boıynsha sharalar qolǵa alyndy. Zań buzý faktileri kóbine foto, vıdeo tirkegishter arqyly anyqtalady. Bul qurylǵylardy qoldaný arqyly jol-kólik apatyn (jaraqattaný faktisimen - red) 6,3 paıyzǵa, sonymen qatar, adam ólimine ákeletin apattardy 10,4 paıyzǵa azaıttyq. Jol apatynan qaza tapqandar sany - 1,9 paıyzǵa, jaraqattanǵandar 5,1 paıyzǵa tómendedi», - deıdi Ákimshilik jaýapkershilik polıtsııasynyń basshysy, polıtsııa polkovnıgi Nurlan Almasbekov.
