Byltyr Almaty oblysynda 35,7 myń adam jumyspen qamtylǵan

ASTANA. QazAqparat - Búgin oblys ákiminiń birinshi orynbasary Mahabbat Bıgeldıevtiń tóraǵalyǵymen Jumyspen qamtýdy úılestirý jáne áleýmettik baǵdarlamalar basqarmasynyń ótken jyly atqarǵan jumysy jáne bıylǵy mindetteri týraly otyrys ótkizildi. Bul týraly ákimdiktiń baspasóz qyzmeti habarlaıdy.

Atalǵan basqarmanyń basshysy Qanybek Aıtjanovtyń aıtýynsha, 2015 jylǵa arnalǵan keshendi josparǵa sáıkes nysanaly topqa jatatyn 27,7 myń adamdy jumyspen qamtý josparlanǵan. Bıylǵy jyldyń 1 qańtaryndaǵy málimet boıynsha baǵdarlamamen 35,7 myń adam jumyspen qamtylǵan.

«Jumyspen qamtý jol kartasy - 2020» sheńberinde úsh baǵyt boıynsha 3536,4 mln. teńge bólinip, jyl qorytyndysy boıynsha 1733,7 mln teńge ıgerildi. Sondaı-aq, kásiptik oqytý, áleýmettik jumys oryndaryna jiberý, shaǵyn nesıe alýǵa úmitkerlerdi kásipkerlik negizderine oqytý sııaqty birqatar máselelerdiń atqarylý barysy aıtyldy. Osyndaı jumystardyń nátıjesinde oblysta jumyssyzdyq 4,7% deńgeıinde. Sonymen qatar áleýmettik kómek máselesi de nazardan tys qalmady.

Jıyn barysynda Qapshaǵaı qalasynyń jumyspen qamtý isi asa salǵyrt qaraǵany qatty synǵa alynyp, oblys ákiminiń birinshi orynbasary Mahabbat Bıgeldıev qyzmettik mindetin tıisti deńgeıde oryndamaǵan jumyspen qamtý isiniń qyzmetkerine tıisti shara qabyldaýdy tapsyrdy. Sonymen qatar jıyndy qorytyndylaı kele, jumyssyzdyq deńgeıi áli de joǵary kúıinde qalyp otyrǵan aýdan, qalalarda isti shıratý kerektigin aıtty.