Byltyr álemde 12 mln gektar orman joıylǵan
NUR-SULTAN. QazAqparat - Byltyr álem boıynsha 12 mln gektar orman joıyldy. Bul ár mınýt saıyn 30 fýtbol alańynyń joıylyp otyrǵanymen birdeı, dep jazady VVS basylymy.
«2016 jáne 2017 jyldary da orman sany azaıǵanymen, bul kórsetkish 2001 jyldan bergi kórsetkishter arasynda tórtinshi orynda tur. Global Forest Watch baıandamasynda Amazonka, Ońtústik Amerıka, Batys jáne Ortalyq Afrıka men Indonezııa ormandarynda jaǵdaı qıyndap bara jatqany aıtylǵan. Bul óńirdegi aǵashtar jahandyq klımat ózgerisinde mańyzdy rol atqarady. Baıandamada aıtylǵandaı, sońǵy onjyldyqta bul jerlerde kommertsııalyq jáne aýylsharýashylyq maqsatta mıllıondaǵan gektar orman otalǵan», dep jazady basylym.
Avtordyń aıtýynsha, bul 2017 jáne 2016 jyldardaǵy kórsetkishten de tómen.
«Ol jyldary ormannyń azaıýyna órttiń kóp bolýy áser etken edi», - deıdi avtor.
