Byltyr 48,1 myń gektar alqapta ormandy molyqtyrý jáne aǵash ósirý jumystary júrgizildi

Búgin ormandy qorǵaý jáne zańsyz ań aýlaýǵa qarsy kúres sharalarynyń qorytyndysy jóninde ótken baspasóz máslıhatynda AShM Orman jáne ań sharýashylyǵy komıtetiniń tóraǵasy Erlan Nysanbaev osylaı málim etti, dep habarlaıdy QazAqparat.

Komıtet tóraǵasynyń aıtýynsha, 2008-2010 jyldarǵa arnalǵan «Jasyl el» baǵdarlamasyn iske asyrý maqsatynda 2009 jyly 48,1 myń gektar alqapta ormandy molyqtyrý jáne aǵash ósirý jumystary júrgizilse, bunyń ishinde 20,6 myń gektaryna aǵash otyrǵyzý ádisi paıdalanylǵan. Bul 2008 jylǵy kórsetkishpen salystyrǵanda 10 paıyzǵa artyq deńgeıde bolyp otyr.

Sondaı-aq, Astana qalasynyń jasyl aımaǵyn qurý jónindegi jumys ta byltyrǵy jyly jalǵasqan. Máselen, ótken jyldyń kókteminde osy baǵytta 5 myń gektar alqapqa aǵash otyrǵyzylǵan. Jalpy alǵanda 1997 jyldan beri elimizde 45 myń gektar jerge aǵash kóshetteri otyrǵyzylypty.

«Sonymen birge, byltyrǵy jyly órt qaýpi joǵary maýsymynda elimizdiń orman qory aýmaǵynda 529 órt oqıǵalary tirkeldi. Tilsiz jaý orman alqaptarynyń 4 myń 368 gektar aýmaǵyn sharpyǵan», dedi E. Nysanbaev.