Byltyr 39 myń júrgizýshi kólik júrgizý quqyǵynan aıyryldy
ASTANA. QazAqparat - 2015 jyly elimizde 39 myń júrgizýshi avtokólik basqarý quqyǵynan aıyryldy. Bul týraly búgin Májilistegi jergilikti polıtsııa qyzmeti taqyrybyna arnalǵan Úkimet saǵatynda Іshki ister mınıstri Qalmuhanbet Qasymov málim etti.
Sóz arasynda mınıstr respýblıka boıynsha jol qozǵalystaryn baqylaý edáýir kúsheıtilgenin atap ótti. Onyń aıtýynsha, qabyldanǵan sharalar arqasynda sońǵy 3 jylda elimizdegi avtoparkter sanynyń ósimine qaramastan, jol-kólik apatynyń kórsetkishteri tómendeý úderisin kórsete bastady.
«Ótken jyly jol-kólik oqıǵalarynyń sany 7 paıyzǵa tómendedi, al bul oqıǵalardan bolatyn adam ólimi 5 paıyzǵa, jaraqat alýshylyq 7 paıyzǵa azaıdy. Budan bólek, aǵymdaǵy jyldyń 4,5 aıyndaǵy kórsetkishter boıynsha jol-kólik oqıǵalar sany 2 paıyzǵa, kisi ólimi 10 paıyzǵa, jaraqat alý 1,5 paıyzǵa tómendedi. Bul rette apattyń 70 paıyzdan astamy júrgizýshiler kinásinen - negizinen jyldmdyqty arttyrýdan, manevr erejesin durys saqtamaýdan, jaıaý júrginshilerge qatysty erejeni oryndamaýdan oryn alǵan», - dedi mınıstr.
Onyń sózine qaraǵanda, osyndaı buzýshylyqtyń saldarynan 2015 jyly 39 myń júrgizýshi kólikti basqarý quqyǵynan aıyryldy.
«Tutastaı alǵanda, 2015 jyly elimizdiń aýmaǵyndaǵy joldarda 2,5 mıllıonan astam quqyq buzýshylyqtyń aldy alyndy. Olardyń jartysyna jýyǵy foto- jáne beıne tirkeý júıesi arqyly anyqtalyp, 5,8 mıllıard teńgeden astam aıyppul salynǵan.
