Byltyr 3370 aqmolalyq otbasy qonys toıyn toılady - Kýlagın
KÓKShETAÝ. QazAqparat - Aqmola oblysynda ótken jyly 364,8 myń sharshy metr turǵyn úı paıdalanýǵa berildi.
Bul týraly búgin 2016 jyldyń áleýmettik-ekonomıkalyq damýynyń qorytyndylary jáne 2017 jyldyń negizgi mindetteri týraly halyq aldynda esep bergen aımaq basshysy Sergeı Kýlagın málim etti, dep habarlaıdy «QazAqparat» HAA tilshisi.
Aımaq ákiminiń aıtýynsha, oblysta turǵyn úı qurylysyn damytýǵa 29,2 mıllıard teńge baǵyttaldy. «2020 jylǵa deıin óńirlerdi damytý» baǵdarlamasy aıasynda jalpy 4,6 mıllıard teńge bólindi.
«2016 jyly turǵyn úı qurylysynyń nysandaryna 35,6 shaqyrym ınjenerlik júıe tartyldy. Ótken jyly 364,8 myń sharshy metr turǵyn úı paıdalanýǵa berilse, onyń 192,4 myń sharshy metri jekemenshik turǵyn úı qurylysy. 2016 jyldyń jospary 20,7 paıyzǵa artyq oryndaldy (302,2 myń sharshy metr). 3370 otbasy turǵyn úı jaǵdaıyn jaqsartty. Negizgi basymdyq baǵyttar boıynsha qoljetimdi turǵyn úı qurylysy aıaqtaldy. Úı kezegindegiler úshin Shortandy kentinde 36 páterlik, Aqmol aýylynda 45 páterlik, Arshaly kentinde 16 páterlik turǵyn úıler salyndy. Jas otbasylar úshin Şýchınsk qalasynda 75 páterlik turǵyn úı paıdalanýǵa berildi. Turǵyn úı qurylys jınaqtaý júıesi arqyly oblys ortalyǵyndaǵy «Jansaıa» turǵyn úı kesheninde úsh 30 páterlik turǵyn úı, Kókshetaý qalasynda 9 qabatty, 45 páterlik turǵyn úıler salyndy», - dedi aımaq basshysy.
Eske sala keteıik sharaǵa QR Bilim jáne ǵylym mınıstri Erlan Saǵadıev, oblys ákiminiń orynbasarlary, qala jáne aýdan ákimderi, departament, basqarma jáne vedomstvo basshylary men qala turǵyndary qatysty.
