Byltyr 3 myńnan astam qazaqstandyq jol apattarynda qaza boldy
ASTANA. 11 aqpan. QazAqparat - Jol polıtsııasy tarapynan qabyldanyp jatqan sharalarǵa qaramastan respýblıkanyń joldarynda apattylyq jaǵdaı kúrdeli kúıinde qalýda.
Máselen, 2012 jyldyń on eki aıynda 14 168 jol-kólik oqıǵasy tirkelgen, olarda 3 022 adam qaıtys bolyp, 17 488-i túrli dárejede dene jaraqattaryn aldy. Bul týraly ІІM Jol polıtsııasy komıtetinen habarlandy.
Komıtet málimetterine qaraǵanda, 2011 jylmen salystyrǵanda jol-kólik oqıǵalarynyń sany 17,9 paıyzǵa ósken. Al onyń saldarynan qaıtys bolǵan jáne jaraqattanǵandardyń sany tıisinshe 11,6 paıyzǵa jáne 24,9 paıyzǵa artyp otyr.
«Jol apattary sanynyń ósýi Qyzylorda men Almaty oblystarynan basqa barlyq óńirlerde baıqalýda. Sonymen qatar, jol-kólik oqıǵalarynyń 70,2 paıyzy nemese 9 952-si eldi mekender aýmaǵynda tirkelip otyr, 18,6 paıyzy respýblıkalyq jáne halyqaralyq mańyzy bar joldarda jasalǵan. Budan bólek, jergilikti joldarda 1 560 jol-kólik oqıǵasy tirkelgen», - delingen baspasóz habarlamasynda.
Bul rette, joldaǵy oqıǵalardyń basym deni Jol qozǵalysy erejelerin óreskel buzatyn kólik júrgizýshilerdiń kinásinan bolyp otyrǵany belgili boldy.
