Byltyr 14 jasqa deıingiler arasynda 19 AQTQ juqpasyn tasymaldaýshylar sany anyqtaldy
ASTANA. 14 aqpan. QazAqparat - Anyqtalǵan AQTQ-juqpasyn tasymaldaýshylardyń sany 2011 jyly 1989 oqıǵany qurady.
Bul kórsetkish 2010 jyly 1969 tasymaldaýshylardy kórsetken bolatyn. Onyń ishinde 14 jasqa deıingi balalar arasynda 19 AQTQ-juqpasyn tasymaldaýshylar sany anyqtaldy. 2010 jyly bul kórsetkish 91 tasymaldaýshy bolatyn. Bul týraly Statıstıka agenttiginen habarlandy.
Sonymen qatar, respýblıkalyq SES-tiń derekteri boıynsha 2011 jylǵy qańtar-jeltoqsanda 2010 jylǵy qańtar-jeltoqsanmen salystyrǵanda qyzylshamen (31,7 esege), qyzamyqpen (14,6 esege), menıngokokk juqpasymen (5,1 paıyz) aýyrǵandar sanynyń óskeni baıqaldy.
Aǵymdaǵy jylǵy qarastyrylyp otyrǵan kezeńde tirkelgen juqpaly aýrýlardyń arasynda asa keń taraǵany joǵary tynys joldarynyń ótkir juqpasy (100 myń adamǵa shaqqanda 7170 oqıǵa), ishektiń ótkir juqpasy (113,2), tynys organdarynyń týberkýlezi (74,9), merez (31,9), vırýstyq gepatıt (16,3), bıtsheńdik (9,6) jáne qyshyma (8,5) boldy.
