Byltyr 10 myń turaqty jumys orny ashyldy - Jeńis Qasymbek
ASTANA. QazAqparat - 2016 jyly 10 myńnan astam turaqty jumys orny ashyldy.
Bul týraly búgin Úkimettiń selektorlyq rejimdegi otyrysynda QR Investıtsııalar jáne damý mınıstri Jeńis Qasymbek málim etti, dep habarlaıdy QzaAqparat.
«2016 jyly 2015 jylǵa qaraǵanda óndeý ónerkásibindegi óndiristiń shynaıy ósimi 12 óńirde baıqaldy. Ósim qarqyny boıynsha Aqtóbe, Qyzylorda, Mańǵystaý oblystary kósh bastady. 2015-2016 jyldary óńdeý ónerkásibindegi eńbek ónimdiligi shynaıy mánde barlyq óńirde ósim kórsetti. Degenmen, eń joǵary ónim Aqmola, Mańǵystaý, Aqtóbe, Jambyl oblystarynda tirkeldi»,- dedi Qasymbek.
Onyń aıtýynsha, 2016 jyly QR Indýstrııalyq-ınnovatsııalyq damytýdyń 2015-2019 jyldarǵa arnalǵan memlekettik baǵdarlamasy is-sharalaryn júzege asyrýǵa memlekettik bıýdjet pen Ulttyq qordan 183 mlrd. teńge qarjy bólingen. Onyń 173 mlrd. teńgesi - memlekettik bıýdjettiń, al qalǵan 10 mlrd. teńgesi Ulttyq qordyń qarjysy.
«2016 jyldyń qorytyndysynda Ulttyq qor qarjysyn ıgerý - 100, al memlekettik bıýdjet qarjysyn ıgerý 99,5 paıyzdy qurady. Indýstrııalandyrý kartasy aıasynda 2016 jyly 878 mlrd. teńge somasyna 130 joba iske qosylyp, 10 myńnan astam turaqty jumys orny quryldy. 2016 jyly Karta aıasynda iske qosylǵan jobalar 2,2 trln. teńgeden astam somaǵa ónim shyǵardy», - dedi mınıstr.
